MOSADI LE MOTLABO BA AHLOLETŠWE BOPHELO KA MOKA KGOLEGONG.
Kgorokgolo ya tshekelo ya Polokwane, Limpopo e a hloletše Mamoraba Jacob Mashiba wa mengwaga ye masomenne tee le Tubake Sister Maesela wa mengwaga ye masomenne-nne mabapi le polao ya Mogokolodi Cleopass Digama wa mengwaga ye masomehlano-tharo kgolegong bophelo ka moka.
Bagonelelwa ba hweditšwe ba le molato mabapi le ditatofatšo ka moka tšeo ba pharwago ka tšona.
Hlatse ya mmušo e boletše ka mokgwa o we kotsi e diragetšego ka gona ka letšatši la lesomešupa kgwedi ya Ngwatobošego ka ngwaga wa ketepedi-masomepedi tee. Digama o be a šoma bjalo ka Warrant Officer setešeng sa maphodi sa Apel, ge a tlo thuntšhwa lego bolawa. Kotsi yeo e diragetše lebenkeleng la dijo la mogwera wa gagwe wa go tšwa nageng ya Somalia motseng wa Lerajane, Ga-Sekhukhune. Tiragalong yeo sethunya sa gagwe sa mošomo le sefatanaga di ile tša utswiwa gomme ka morago sefatanaga sa gagwe se ile sa hwetšwa se swele lore-lore.
Dinyakišišo tša maphodisa di ile tša šupa mogatšagwe le nyatsi yeo go kwalago gore ke tatago ngwana o mongwe wa bana ba gagwe.
Kgorotsheko e kwele gape gore bagonelelwa ba ile ba leka go mo tšhelela mpholo pele a ka bolawa.
Mogolwane wa bo Ramolao, Lerato Mohlaka o boletše gore kgorotsheko gase ya swanela go iphapantšha le matšema ge go etla go kotlo ya melato ya go garoša dinamana tša mmele. Advocate Lerato Mohlaka o tšwetše pele ka gore polao ya Digama e bile e sehlogo. Ba ile ba leka go hlalefetša hlatse ya mmušo ka tšhelete ya go lekana, R46 350 00. Bagonelelwa ba paletšwe ke go nagana gore mohu le yena ona le tokelo ya go phela, kage mohu a ile a mmotšiša gore” Mogatšaka ke wene ompolayago”.
Le ge gole bjale Tubake o ile a tšwela pele ka go mothuntšha makga a mararo phatleng.
Molaodi wa botšhotšhisi bjabo setšhaba, Advocate Ivy Thenga o lebogišitše Ramolao Lerato Mohlaka le ba nyakišiši bao ba latelago, Warrant Officer Aubrey Kekana, Mokolonela Makutu Nkoane, Sarasanta Jerita Chokoe, Warrant officer Aubrey Kekana, Mokolonela wa maloba Pretty Ratshifula. Mokolonela Sekutlong Mapitsi-Masemola, Mokolonela Makutu Nkoane. Ramolao Thenga o leboga maphodisa le Sarasanta Koos Mogale gammogo le lefapha la di HAWKS ka go netefatša gore ba bonwa molato ba ba hwetša kahlolo e boima.