MOŠOMO O TŠHABA DIATLA MASEPALENG WA FETAKGOMO-TUBATSE

By: Lerato Mampa

Polelo ya Sepedi e re, Kgotlelo e tliša katlego. Se se latela ka morago ga gore badudi ba motse wa Mareseleng kgauswi le toropo ya Burgersfort ka fase ga Ward 25, Ba ile ba šegofatšwa ka tsela ya di metara tša go lekana hlano fegelwana šupa(5.7 meter). Tsela ya Mareseleng ke enngwe ya ditsela tšeo di bego di swiswatša pelo ge o otlela mo go yona.

Meyara Eddie Maila o be a farafarilwe ke Mmago setšhaba wa motse wa ga Riba, e lego Hunadi’a Ngwato.

Phorojeke yeo ya tsela e jele di milione tša go feta masomehlano, gape bo rakonteraka ba babedi ba ile ba thwalwa, Go sale bjale borakgwebo potlana le bona ba ile ba matlafatšwa.

Ka letšatši la masomepedi-tee kgweding ya Dibokwane, Meyara Eddie Maila oile a bula tsela ya Mareseleng semmušo ka morago ga gore phorojeke yeo ya tsela e tšeye mengwaga e mebedi. Meyara o retile badudi ba Mareseleng ka maitshwaro a mabotse a bona le go se dumelele bo mabinwa go solwa gore ba ba hlakahlakantšhetše phorojeke. O tšwetše pele ka gore batho ba bangwe go baka le tšeo di sego tša baswanela go mo mading.

Hlabirwa’a Hlabirwa o kgalemile ka bogale moya wago swaswalatša setšhabeng, kage seo e le se sengwe se dibago kabo ya ditirelo setšhabeng. Le ge gole bjale o re yena otlo tšwela pele kago aba ditirelo setšhabeng kage e le seo ba mo kgethetšego sona. O boletše le mare a sa metše gore kantoro ya gagwe e phela e butšwe ge eba gona le mowe basa kgotsofalego e sego fao ba sa tlo forwa ke batho bao ba tlabe ba ba tshepiša lefeela. Fetakgomo-Tubatse ke šebešebe, Meyara Eddie Maila o realo.

Eddie Maila o re makhanselara ao a sa direlego setšhaba selo ebile a gatela godimo ba lebetše gore ditulo tšeo ba dutšego go tšona gase ba ipeya efela ba mowe ba lego ntshe ka lebaka la setšhaba seo sa go ba kgetha. O gateletše gore makhensela ba swanetše go šoma gabotse le setšhaba.

O mongwe wa badudi o re ga bjale lege pula ena gaba sa tšhoga selo kage maphelo a bona a tšwela pele ka mokgwa o ba tlwaetšego ka lebaka la gore e be e re ge pula ena koloi ya marotho e be e satle motseng wa gabo bona.

Mmagosetšhaba Hunadi o ile a laetša gore ge e sale Meyara Eddie Maila e ba meyara masepaleng wa Fetakgomo-Tubatse ba boja bo fodile ka lebaka la gore gobe go sena le motho a bego a nagana gore ka le lengwe la matšatši sekontiri seka namela thaba sa ya motseng wa ga Riba. O tšwetše pele ka gore o wa dumela gore meyara le yena ke motho gona le mowe a dirago di phošo efela ge e sebe gore diphošo tša gagwe diphumule tše di botse tšeo a di direlago badudi.