Ngwana a sa llego o hwela tharing

Ngwana a sa llego o hwela tharing

By: Lerato Mampa

Kage sehla sa dipula se batamela ebile bao ba ratago tša temo ba tsukinya mosela efela go badudi ba motse wa ga-Seroka ke lerumo dipelong tša bona ka lebaka la leporogo leo lesa ba robatšego boroko nakong ya dipula kudu ka gore leporogo leo ke lona le šomišwago kudu go fihlelela diterelo. Barutwana bago tsena Sekolo sa godimo sa Dinakanyane nakong ya dipula eba tlhohlo ye kgolo kage ba gapeletšega go tšea tsela e nngwe e telele go fihla sekolong.

Go kwala gore leporogo leo e sale le dira ke moepo efela ge e le ga bjale le onetše gomme le hloka go lokišwa ka mokgwa wa maleba kage gele ka hlokomologwa lekatla la dira tšago se kgahliše kudu ka gore batšofe ba feta leporong leo ge ba eya go amogela tšhlelete ya mphiwafela.

O mongwe wa badudi Ephraim Segapu o re masepala wa selegae wa Fetakgomo-Tubatse oba hlokomollogile ka taba ya ditirelo kage leka nako ya lenaneo tlhabollo (IDP) ga o bolele selo ka badudi ba motse wa ga- Seroka. Segapu o gateletše gore ga kgone go kwišiša gore masepala o nyaka ba gwanta gore sello sa bona setle se kgone go kwala goba bjang. O re ge ele kgoro ya diterelo tšabo setšhaba( Department of Public Works) ga ana le molomo ka bona ka gore le motse wa ga-Seroka gore o lebeletše kae gaba tsebe. Ka nako ya dipula ge gona le mankhu eba tlhobaboroko e kgolo kage go šomišwa leporogo leo goya dirapeng, Ephraim Segapu a ruma kago realo