THABANG ” SKOMOTA” THOBEJANE KE LESOGANA LA GOSE IKGALALE
Polelo ya Sepedi e fela e re, ga lere gotšwa molong la rereša. Se selatela ka morago ga gore Thabang Thobejane o a tsebjwago ka leina la Skomota go tšwa motseng wa Mafefe a hlwe a bolaišitše batho mala ka disego, ka morago ga gore a bolele ka mokgwa o a fago dikgarebe tšhelete yago lekana dikete tše lesome( R10,000.00) ka morago ga gokga morogo. Taba yeo e ile ya dira semphete kego fete godi kgokaganyo tša leago ka morago ga poledišano ya gagwe ya Richy B & Lejoy Podcast e phatlalatšwe.
O mongwe wa batho bao ba bogetšego Podcast yeo oile a re o hlwa a ekwa batho ba bolela maaka efela ge e le Skomota o thopa sefoka.
Ngwana Sesi o boletše le mare a sa metše gore yena o rata menate a fele a tswakanya ka polelo ya sejahlapi a re ” ke rata monate all over” ebile a laetša thekgo le lerato la gagwe go seopedi Shebexit.
Oile ge a botšišwa ka mengwaga ya gagwe, yena oile a rarakana lego gakanega ka ganong kage a be a sa hlathe gabotse mengwaga ya gagwe.
Batho ba ile ba tloga bodutu ebile o mongwe go dikgokaganyo tša leago oile a re o rata go itshepha ga Skomota kage e se mang le mang a ka kgonago gofa mosadi tšhelete yeo a e boletšego.
