Batšofe Ba Motse Wa Diphagane Ba Ketekile Mandela Day
By Lerato Mampa
Email: lerato@thereporternews.co.za
Mangwalo a makgethwa a re hlompha mmago le tatago gore otle o phele galele lefaseng. Gape seo sa hlatsetša gape ke polelo ya Sepedi e rego sere goja mpunyane wa lebala wa hloka le magagešo dumelang. Lesogana la go tšwa motseng wa Diphagane Mokgele Tjatjie o netefaditše gore batšofe bago lekana palo ya lekgolo le metšo ye mehlano(105) ba thabišwa ka letšatši la lesomeswai phupo ( 18 July 2023) ge lefase ka bophara lebe le keteka letšatši la Mandela Day.
Batšofe bao ba ile ba fiwa dijo tša go rothiša mare tša go fapafapana go thoma ka dijo tša mesong, matena le seo ka sejahlapi se bitšwago “Dessert”. Mokgele Tjatjie o re batšofe bao be ba thabile kudu ebile basa fetše gomo tiela matsogo ka seo a ba diretšego sona kudu ka gore ba bangwe ebile ba kgonne go tseba lego hwetša tlhathollo ya gore Mandela Day e ra gore eng.
Mokgele Tjatjie ke o mongwe wa batho bao ba tšwelago pele go dira diphetogo go maphelo a barutwana ba dikolo kago ba abela dieta tša sekolo, mesamelwana ya lehlapo le dijo go bao ba hlokago sago iphediša. Phorojeke ya gagwe e lego Mokgele Kolo Foundation e kgethilwe go South African Heroes Awards, Mokgele Tjatjie o re o ipeletša go motho o mongwe le o mongwe gore a kgethe phorojeke ya gagwe kago sms SAHA MOKGELE go 47439 gomme sms eja R3 fela. Mokgele Tjatjie o botho le kagišano ketše bohlokwa go aga setšhaba.
