Kgoši Seroka E Lego Mphela’ A Mogoši O Itiya Sefega
By Lerato Mampa
Email lerato@thereporternews.co.za
Batsebi ba polelo ba fela bare, Koma ke setšo ebile ke e nngwe ya bohwa bja rena bjalo ka setšhaba sa Bapedi. Kgoši Seroka e lego Mphela’a Mogoši motseng wa Ga-Seroka ka fase ga masepala wa Fetakgomo-Tubatse ke o mongwe wa dikgoši tšeo di bilego le Koma yeo e sepetšego ka thelelo ebile e ješago di wela.
Kage le yena a latela molao wa kgoro ya maphelo, o be a amogela bao ba nago le mengwaga ye lesomepedi goya godimo. Moroto wa lenyaga kewa Matuba.
Kgoši Seroka o re lenyaga o kgonne go hlagiša koma kage la mafelelo koma ebile gona ka ngwaga wa ketepedi-Lesomešupa (2017) Bjale ka motho o mongwe le o mongwe a ilego a ama ke leuba la Covid-19
le yena oile a gapeletšega go emiša kago hlagiša koma mengwaga yago lekana e mehlano. Kgoši Seroka o re lenyaga o kgonne goba le madikana ago lekana makgolo a mane le metšo e masomeseswai-tee ( 481) gomme ka moka ga bona ba fetela bogwereng goyo iphetša. sa go šweufatša pelo ke gore ba gorogile kgorong ya Baroka ba feletše ebile ba kgahla mahlo. O boletše sefahlegong sa gagwe go tletše lethabo ka mokgwa yowe setšhaba sa gagwe le bakgoma le bakgomana ba mošate ebile a sa tswalelele ka ntle batho ba go dula dinaga mabapi ka mokgwa o bamo thekgilego ka gona, a tlaleletša ka gore kannete kgoši ke kgoši ka setšhaba.
