TOKA GA E PHETHAGALE

TOKA GA E PHETHAGALE

By: Staff Reporter

Sepedi sere Tau tša hloka seboka di šitwa ke nare e hlotša gomme ke seo badudi ba motse wa Ga-Nchabeleng ka fase ga boetapele bja Kgoši Kanyana’ A Ngwato masepaleng wa selegae wa Fetakgomo-Tubatse ba bonego gole bohlokwa gore e be le tee mabapi le bosenyi bjo bo tšwelago pele go direga motseng wa gabo bona. Maikutlo a badudi a be a ile godimo nakong yage ba gwantela setešeng sa maphodisa sa Apel kage ba bangwe bare ba ikwa base ba bolokega ka magaeng a bona ka lebaka la bosenyi bjo bo tšwelago pele go direga.

Ka letšatši la masomepedi-tharo Phatho, badudi ba ile ba gwantela setešeng sa maphodisa sa Apel ka go ipelaetša ka mokgwa o seteše seo se šomago ka gona kudu gego etla go taba yago rarolla melato ya badudi lego e šala morago. Badudi be ba swere diplakata tšeo di ngwadilwego gore ” Justice for Priscilla” Seo se direga ka morago ga gore Priscilla Phakoago a hwetšwe a ikgamile ka pantyhose ebile a lekeletše mohlareng goye nngwe ya dithaba tša motse wa Ga-Nchabeleng. Go kwala gore ga e sale go direga kotsi yeo ya masetlapelo ga gona le nko yeo e tšwago lemila lege e le go phara bagonelelwa ka dipotšišo molatong wa gagwe.

Kgoši Kanyana’A Ngwato o re bosenyi bjowe bo diragalago motseng wa gagwe bo tloga bo garoša namana tša mmele ka lebaka la gore motse wa Tau-Nchabeleng o tsebjwa ka goba motse wa khutšo ebile wago bolokega.

Lucky Raphiri e lego o mongwe wa barulaganyi ba mogwanto o re banna ba swanetše go hlompha lego šireletša basadi le gore pele motho a ka nagana go dira bošula a nagane pele gore seo a se dirago a ka nagana bjang ba dira mmagwe goba kgaetšedi ya gagwe.

O mongwe wa lapa, o re e le ba lapa ba kwele bohloko ka lebaka la gore bohlatse bo gona le mohlala o gona gore ekaba kebo mang ba dirilego bošula bjowe efela maphodisa a goga maoto, O re seo base holofelago ga bjale ke gore toka e phathagale ka gore ge e le gomo tsoša bakase mo tsoše. O tšwetše pele ka gore go itaetša gabotse gore Priscilla o bolailwe pele efela badiri ba taba yeo ba dira okare o ipolaile.
Ba lapa le setšhaba sa ga Nchabeleng
bare, mehlala ya gore bagononelwa e ka ba bo mang ba ba dirilego bosula bjowe e gona ba e file maphodisa, e fela maphodisa a goga maoto. Ba lapa le badudi ba Ga-Nchabeleng ka bophara, ba re seo ba se kgopelago ke gore maphodisa a šumišane leba lapa le barulaganyi ba mogwanto wo, gore toka e phethagale.