MORUTWANA WA MPHATHO WA LESOMEPEDI O ITEILWE
Morutwana wago dira mphatho wa lesomepedi( Grade 12) sekolong sa St Peters Combined Christian School motseng wa Mohlaletse seleteng sa Sekhukhune o iteilwe ka morago ga gore a latelwe kerekeng ya Sontaga ka letšatši la lesometharo Dibatsela ( 13 November 2023).
Moruti Derrick Moswane e lego modulasetulo wa mokgatlo wa School governing body Federation o re seo sago direga se kwiša bohloko kage go sena le morutwana yeo a swanetšego go diragalelwa ke seo se mo dirageletšego kudu ka gore ba gare ba ngwala ditlhahlofo tša mafelelo a ngwaga ebile sekolong e swanetše goba lefelo la polokego. Moruti Mosoane o tšwetše pele ka gore sekolo sa St Peters Christian Combined school se swanetše go rwala maikarabelo ka botlalo. O re le ge go le bjalo ba gare ka dinyakišišo.
Go sale bjale baetapele ba St Peters Christian Combined School ba ntšhitše sengwalwa ( Media Statement) seo se laetšago go tshwenyega ga bona ebile ba laetša gore molato o butšwe maphodiseng kgahlanong le mogonelelwa.
Seboleledi sa kgoro ya thuto profenseng ya Limpopo, Mike Maringa o re kgoro ya thuto e nyamišitšwe ke tiragalo yeo ya go direga sekolong sa St Peter Christian Combined School, ebile bare batla dira dinyakišišo go fihla ba hwetša modu wa taba.