Basadi ba Masepala wa Makhuduthamaga ba keteka kgwedi ya basadi.

BASADi BA MASEPALA WA MAKHUDUTHAMAGA BA KETEKA KGWEDI YA BASADI

By: Lerato Mampa

Goya ka dipalopalo basadi ke bona ba swerego nomoro ya godimo kamo nageng ya Afrika-Borwa lego kontinente ya Afrika ka bopharo. Le ge gole bjalo basadi bago swara thipa ka bogaleng ka ngwaga wa lesomesenyane-masomehlano tshela ( 1956) gaba lebalwe ebile seo ba bego base gwantela se tšwela pele go buna diengwa tše dibotse.

Ka letšatši la masomepedi-nne( 24 August 2023) basadi bago ithata ebile bago kwišiša bohlokwa bja go keteka kgwedi ya basadi ka bokgwari le bothakga bjo bogolo ba ile ba thabiša bašomi ka bona le bafeti ba tsela ka mmimo wa maloba le moaparo o tsebjwago ka “Van toeka Af”. E le ge balaetša bohlokwa bja goba mosadi mehleng yeno ya temokrasi.

O mongwe wa basadi bao ba bego ba keteka o re o ikwa a thabile kage tiragalo ya mohuta o e tiiša segwera lego šoma mmogo gabotse mošomong.

Morulaganyi wa moletlo ebile e le mošomedi masepaleng Pheladi “Bafo” Kubjane o re ba dira se ngwaga ka ngwaga ka lebaka la gore basadi ba bantšhi ba imetšwe kudu ka malapeng a bona. Ba bangwe ba hlorišwa manyalong a bona goba maratong. Pheladi o tšwetše pele ka gore go bohlokwa gore basadi ba ithate ebile ba ipeye pele ka lebaka la gore basadi ba raloka karolo e bohlokwa setšhabeng.